भारत स्टेज- 6 मानकांची पूर्तता न करणाऱ्या वाहनांची
1 एप्रिल पासून नोंदणी रद्द
चंद्रपूर दि 17 मार्च : सर्वोच्च न्यायालय नवी दिल्ली येथे दाखल जनहित याचिका क्रमांक 13029/1985 मधील दिनांक 24 ऑक्टोंबर 2018 रोजीचे आदेशानुसार सर्व नवीन वाहन विक्रेते यांनी दिनांक 1 एप्रिल 2020 पासून भारत स्टेज-6 मानकांची पूर्तता न करणाऱ्या वाहनांची नोंदणी करता येणार नाही.
उपप्रादेशिक परिवहन कार्यालय, चंद्रपुर अंतर्गत सर्व वाहन विक्रेते यांना सुचित करण्यात येते की, दिनांक 1 एप्रिल 2020 पासून सर्व वाहन वितरकांनी या नियमांचे काटेकोरपणे पालन करणे अतिशय आवश्यक आहे,असे आवाहन उपप्रादेशिक परिवहन अधिकारी व्ही.एन.शिंदे यांनी केले आहे.
0 Comments