बल्लारपूर तालुक्यातील विसापुर गावा लगत बिबट्या वन्यप्राणी जेरबंद वन विभागाच्या रेस्क्यू पथकाला यश.

बल्लारपूर तालुक्यातील विसापुर गावा लगत बिबट्या वन्यप्राणी जेरबंद वन विभागाच्या रेस्क्यू पथकाला यश. 

◾वन विभागाने बिबट्याची हालचाल ठिकाणी 4 CCTV कॅमेरे, 4 ट्रॅप कॅमेरे व 3 पिंजरे लावण्यात आले. 

बल्लारपूर ( राज्य रिपोर्टर ) : आज बल्लारपूर तालुक्यातील विसापुर गावा लगत रात्रौ 8.00 चे सुमारास एक बिबट वन्यप्राणी जेरबंद करण्यात आले.

विसापुर गावा लगत असलेल्या महापारेषण च्या परिसरात एक बिबट वन्यप्राणी धुमाकुळ घालत असल्याने विसापुर येथील नागरीकांमध्ये भितीचे वातावरण निर्माण झाले होते. तालुका क्रिडा संकुल, विसापुर ला लागुन असलेल्या सिमेंट कॉक्रीट रोडने विसापुर येथील नागरीक व पेपर मिल, बल्हारशाह येथे कामगावर या मार्गाचा अवागमना करीता वापर करीत असतांना त्यांना बिबट या वन्यप्राण्याचे दर्शन होत होते व महापारेषणच्या पडक्या इमारतीवर बिबट वसुन असल्याचे सुध्दा नागरीकांना दिसुन आले होते.

बल्लारपूर वन परिक्षेत्रातील विसापूर गावाच्या हद्दीतील  जुन्या पावर हाऊस, बल्लारपुर काही दिवसा अगोदर दिवसा देखील बिबट्याचे दर्शन नागरिकांना झाले होते. यामुळे जिवहाणी होण्याची शक्यता बळावली होती. नागरिकात भीतीचे वातावरण पसरले होते. गावाकऱ्यांनी बिबट जेरबंद करण्याची मागणी वन विभागाकडे केली होती. याची दखल घेऊन मध्य चांदा वन विभाग चंद्रपूर च्या उपवनसंरक्षक श्वेता बोड्डू यांनी शासनाकडे बिबट जेरबंद करण्याची मंगळवारी परवानगी मागितली. शासनाकडून परवानगी मिळताच त्यांनी सभा घेऊन बिबट जेरबंद करण्याचे निर्देश बल्लारपूर वन परिक्षेत्र अधिकारी नरेश भोवरे यांना दिले.

तसेच सदर बिबट वन्यप्राणी पेपर मील जुनी वसाहत, बल्हारपुर येथे सुध्दा धुमाकुळ घालत होता. सदर परिसरात मानव व वन्यजिव संर्घष निर्माण होवुन अनुचीत घटना घडु नये म्हणुन बिबट या वन्यप्राणाला जेरबंद करुन इतरत्र सोडण्याबाबत नागरीकांची मागणी होत होती. 

नागरीकांची मागणी लक्षात घेता श्री. नरेश भोवरे वनपरिक्षेत्र अधिकारी बल्हारशाह यांनी बिबट वन्यप्राण्याला जेरबंद करुन इतरत्र सोडण्याबाबतचा प्रस्ताव तयार करुन वनविभागाच्या वरिष्ट कार्यालयास सादर केला व त्यास परवानगी प्राप्त झाली. 

परवानगीच्या अनुषंगाने बिबट या वन्यप्राण्याला जेरबंद करण्याची मोहिम काल दिनांक. 23 ऑगस्ट 2022 पासुन राबविण्यात आली. यामध्ये 4 CCTV कॅमेरे, 4 ट्रॅप कॅमेरे व 3 पिंजरे लावण्यात आले. CCTV च्या माध्यमातुन बिबट या वन्यप्राण्याच्या हालचालीवर निगराणी ठेवण्यात येत होती. आज दिनांक 24 ऑगस्ट 2022 ला रात्री 8.00 वाजताच्या सुमारास बिबट जेरबंद झाल्याचे CCTV मधुन निदर्शनास आले. जेरबंद करण्यात आलेल्या बिबट वन्यप्राण्याला शासकीय वाहनाने वन्यजीव उपचार केन्द्र, चंद्रपुर येथे रवानगी करण्यात आली. चंद्रपुर जिल्हामध्ये आधुनिक तंत्रज्ञाणाचा मदतीने वन्यप्राणी जेरबंद करण्याची हि पहिलीच घटणा आहे. ही मोहिम श्री. नरेश भोवरे  वनपरिक्षेत्र अधिकारी बल्हारशाह यांचे नेतृत्वात व मार्गदर्शनात श्री. के. एन. घुगलोत क्षेत्र सहाय्यक बल्हारशाह, श्री.ए.एस. पठाण क्षेत्र सहाय्यक उमरी, श्री. बि. टि. पुरी, क्षेत्र सहाय्यक कळमणा व वनरक्षक श्री . आर.बि. बत्तलवार, श्री. एस.पि. कांबळे, श्री.ए.एम. चहांदे, श्री. टि.ओ. कामले आणी PRT टिम केम तुकुम, इटोली व कळमणा यांनी यशस्वी रित्या कामगीरी पार पाडली. त्याचप्रमाणे विसापुर गावातील ग्रामस्थानी सुध्दा वन विभागाच्या टिम ला सहकार्य केले.