tv9 चे चंद्रपूर प्रतिनिधी निलेश डहाट यांच्यावर जीवघेणा हल्ला
◾जिल्हा सामान्य रुग्णालयात उपचार सुरू
चंद्रपूर ( राज्य रिपोर्टर ) : चंद्रपूर शहरातील इंदिरानगर भागात अवैध धंदे करणाऱ्या शिवसैनिक विक्रांत सहारे आणि पवन नगराळे यांनी काल रात्री ११:३० वाजता चंद्रपूरचे tv9 प्रतिनिधी निलेश डहाट यांना बेदम मारहाण केल्याचे वृत्त आहे या मारहाणीनंतर त्यांना जिल्हा रुग्णालयात दाखल करण्यात आले आहे. यातील सहारे जिल्हा युवासेना समन्वयक आहे. इंदिरानगर भागात देशोन्नती प्रतिनिधी विनोद बदखल आणि डहाट गप्पा करत होते. तेव्हा सहारे-नगराळे यांनी तेथे पोचत अवैध धंद्यांची बातमी प्रकाशित केल्यावरून विचारणा करीत वाद केला, मात्र तो शांतही झाला. यानंतर घटनास्थळावरून घरी जाण्यासाठी निघालेल्या डहाट यांचा सहारे-नगराळे जोडीने पाठलाग करून त्यांना रामबाग वसाहत वळणावरील मूल मार्गावरच्या माता मंदिराजवळ थांबवून लाथा-बुक्क्यांनी मारहाण केली. रस्त्यावरील बांधकामाचे गट्टू त्यांना मारण्यात आले. शस्त्राचा आणि चाकूचा धाक दाखविला गेला. मदतीसाठी काही लोक थांबले तेव्हाच आरोपी पसार झाले. या घटनेत डहाट यांना पोट-पाठीवर जबर गुप्त मार लागला आहे. सोबतच ओठ फाटल्याने टाके बसले आहेत. अवैध धंदे करायचे, वाद करायचा आणि सरकार आपलेच असल्याच्या थाटात पत्रकाराला बेदम मारहाण करायची. या मारहाणीमागे कुणाचा आदेश आहे?
आरोपी शिवसैनिकांवर पोलिसांनी थातूरमातूर कलमे लावली. ३०७ कलम व पत्रकार संरक्षण कायदया अंतर्गत गुन्हा दाखल करावा अशी मागणी पत्रकार संघाच्या माध्यमातून करण्यात आली आहे. एकूणच लोकशाहीचा चवथा स्तंभावर हल्ला झालेला आहे यासंदर्भात महाराष्ट्राचे माजी वित्त, वन व नियोजन मंत्री तथा आ.सुधिरभाऊ मुनगंटीवार यांनी मुंबईत सुरू असलेल्या राज्य विधिमंडळात सदर विषयावरून प्रश्न उपस्थित केला व जनतेच्या समस्यांना सरकार समोर मांडणारे पत्रकार असुरक्षित असल्याची भावना व्यक्त केली.
0 Comments