उपविभागीय पोलीस अधिकाऱ्याची जुगार अड्ड्यावर धाड : १८ आरोपींच्या अटकेसह जवळपास ३ लाख ३४ हजार रुपयांचा मुद्देमाल जप्त
चंद्रपूर ( राज्य रिपोर्टर ) : दुर्गापुर हद्दीतील आंबेडकर चौकातील खांदे यांचे दुकानाचे मागील भागातील उत्तरवार यांचे दुकानाचे चाळीमधील दुकानात सट्टापट्टीवर पैसे लाऊन, जुगार खेळत आहेत. अशी माहिती खबरीमार्फत प्राप्त होताच सदर ठिकाणी सुधीर नंदनवार, उपविभागीय पोलीस अधिकारी, चंद्रपुर यांनी स्टाफसह छापा मारला.
छापा टाकुन १८ जणांना ताब्यात घेतले आहे. १८ आरोपींकडुन ३ लाख ३४ हजार ५२६ रुपयाचा मुद्देमाल हस्तगत करण्यात आला. ही कारवाई सुधीर नंदनवार, उपविभागीय पोलीस अधिकारी,चंद्रपुर यांनी केली आहे. या प्रकरणी १८ जणांविरुध्द दुर्गापूर पोलीस स्टेशन येथे गुन्हा नोंद करण्यात आला आहे.
यावेळी सट्टीपट्टी चालविणाऱ्यासह एकुण १८ इसम जुगार खेळतांना मिळुन आले. सदर इसमांची पंचासमक्ष अंगझडती घेण्यात आली. १८ इसमांच्या अंगझडतीत रोख रक्कम व इतर साहीत्य असा एकुण ३ लाख ३४ हजार ५२६ रुपयाचा मुद्देमाल जप्त करण्यात आला. सदरची कारवाई मा. अरविंद साळवे, पोलीस अधीक्षक,चंद्रपुर व मा. अतुल कुलकर्णी, अपर पोलीस अधीक्षक,चंद्रपुर यांचे मार्गदर्शनात सुधीर नंदनवार, उपविभागीय पोलीस अधिकारी, चंद्रपुर यांचे नेतृत्वात उपविभागीय पोलीस अधिकारी कार्यालय चंद्रपुर येथील पोलीस स्टॉप स.फौ. राजेश चुंचूलवार, पो. हेड कॉ. किसन राठोड, पोलीस अमंलदार शितल बोरकर, मनोज चालखुरे, पुर्वेश महात्मे, आदेश रामटेके, जगदीश जिवतोडे व अमरदिप आवळे यांचेसह करण्यात आलेली असुन एकुण १८ आरोपींविरुध्द कलम ४,५ महाराष्ट्र जुगार कायदयाप्रमाणे दुर्गापुर पोलीस स्टेशन येथे गुन्हा नोंद करण्यात आला आहे. पुढील तपास दुर्गापूर पोलीस करीत आहे.
0 Comments