९३ हजारांचा दंड वसूल, १२ प्रतिष्ठनांवर चंद्रपुर मनपाची कारवाई
🔸सोसायटी ट्रेडर्स कडून, गुगोल कलेक्शन, श्री गणेश साडी सेंटर, डायमंड ग्लास, अनिकेत जैन, नयन बडवाईक, रमेश मून, शिवशक्ती प्रिंटिंग प्रेस, सिकटेक टाईल्स, बेले हार्डवेअर, पियुष अग्रवाल, शशांक अग्रवाल मनपा उपायुक्त, सहायक आयुक्त आणि टीम ने कडक कारवाई केली.
चंद्रपूर(राज्य रिपोर्टर) : राज्य शासनाच्या निर्देशानुसार अत्यावश्यक सेवा वगळता सर्व दुकाने, प्रतिष्ठाने, बाजारपेठा दुपारी ११ नंतर बंद ठेवण्याचे निर्देश देण्यात आले आहे. तरी सुद्धा शहरातील काही व्यावसायिक आपली प्रतिष्ठाने सुरु ठेवून कोरोना नियमांचे उल्लंघन करीत आहेत. अशा प्रतिष्ठानांवर मनपाद्वारे दंडात्मक कारवाई करण्यात येत आहे. बुधवारी (ता. १२) मनपाचे उपायुक्त विशाल वाघ यांच्या उपस्थितीत शहरातील नियमांचे उल्लंघन करणाऱ्या १२ प्रतिष्ठानांवर कारवाई करण्यात आली. या कारवाईत ९३ हजारांचा दंड वसूल करण्यात आला.
शहरातील काही व्यापारी दुकानाचे शटर लावून व्यापार करताना आढळले, त्याच्यावरही मनपा उपायुक्त, सहायक आयुक्त आणि टीम ने कडक कारवाई केली. तसेच यापुढे नियमांचे उल्लंघन केल्यास दंडात्मक कारवाई सोबतच गुन्हा दाखल करण्याचे सूतोवाच देखील मनपा ने केले.
यासोबतच किराणा दुकानदार व सुपर मार्केट व्यावसायिकांना सुद्धा सूचना देण्यात आल्या की, ११ वाजेनंतर दुकान बंद करण्यास विलंब झाल्यास कारवाई करण्यात येईल.
0 Comments