पुण्यश्लोक अहिल्यादेवी होळकर यांच्या जयंतीदिनी जिल्हयात रक्तदान शिबीर
चंद्रपूर जिल्हा भाजपाचा उपक्रम
माजी अर्थमंत्री आ. सुधीर मुनगंटीवार यांच्या संकल्पनेतून हे रक्तदान शिबीर आयोजित करण्यात येत आहे.
वरोरा..ता.बा.(राज्य रिपोर्टर) : पुण्यश्लोक अहिल्यादेवी होळकर यांची ३१मे ला जयंती असून हा दिवस भाजपतर्फे चंद्रपूर जिल्ह्यात सेवादिन म्हणून साजरा करण्यात येणार आहे.. या सेवादिनाचे औचित्य साधून भारतीय जनता पार्टी चंद्रपूर जिल्हा शाखेतर्फे प्रत्येक तालुका स्तरावर रक्तदान शिबीराचे आयोजन करण्यात येणार आहे.या अंतर्गत वरोरा हनुमान वार्डातील नगरभवनात सकाळी ९वाजेपासून हे रक्तदान शिबीर आयोजित करण्यात आले आहे.
चंद्रपूर जिल्हयातील सर्व शहरांमध्ये तसेच तालुका मुख्यालयी रक्तदान शिबीर आयोजित करून पुण्यश्लोक अहिल्यादेवी होळकर यांना आदरांजली देण्यात येणार आहे. माजी अर्थमंत्री आ. सुधीर मुनगंटीवार यांच्या संकल्पनेतून हे रक्तदान शिबीर आयोजित करण्यात येत आहे. भारतीय जनता पार्टी, भारतीय जनता युवा मार्चा आणि भाजपा महिला आघाडी यांच्या माध्यमातुन जिल्हाभर हे रक्तदान शिबीर संपन्न होणार आहे. कोरोना विषाणूच्या वाढत्या प्रादुर्भावाच्या पार्श्वभूमीवर रक्तपेढयांमध्ये जाणवत असलेला तुटवडा दूर करण्याच्या दृष्टीने हे रक्तदान शिबीर सेवा म्हणून आयोजित करण्यात येत आहे. हे रक्तदान शिबीर सोशल डिस्टंसींग पाळून करण्यात येणार आहे.
या रक्तदान शिबीरात नागरिकांनी मोठया संख्येने सहभागी होऊन रक्तदान करावे, असे आवाहन माजी अर्थमंत्री आ. सुधीर मुनगंटीवार, माजी केंद्रीय गृह राज्यमंत्री हंसराज अहीर, आ. किर्तीकुमार भांगडीया, भाजपाचे ज्येष्ठ नेते चंदनसिंह चंदेल, भाजपा जिल्हाध्यक्ष हरीश शर्मा, जिल्हा परिषदेच्या अध्यक्षा संध्या गुरनुले, जिल्हा परिषदेचे माजी अध्यक्ष तथा जिल्हा भाजपा सरचिटणीस देवराव भोंगळे, माजी आमदार संजय धोटे, प्रा. अतुल देशकर, संजय गजपूरे, राजेश मून, राहूल सराफ, ब्रिजभूषण पाझारे, भाजपा महिला आघाडीच्या जिल्हाध्यक्षा रेणुका दुधे, चंद्रपूरच्या महापौर राखी कंचर्लावार,भाजपा जिल्हा उपाध्यक्ष बाबा भागडे, वरोड्याचे नगराध्यक्ष अहेतेशाम अली , वरोरा तालुकाध्यक्ष डॉ. भगवान गायकवाड, वरोडा शहर अध्यक्ष सुरेश महाजन, नगरसेवक डॉ. गुणानंद दुर्गे, अनिल साखरिया ,सुनिता काकडे आदी सर्व भाजपा कार्यकर्ते व पदाधिका-यांनी केले आहे. रक्तदान करणाऱ्या दात्यानी भाजप कमेटी वरोरा यांचे कडे नावे नोंदवावी.
0 Comments