दुर्दैवी घटना; भीषण अपघातात डॉक्टर दाम्पत्यांचा मृत्यू

दुर्दैवी घटना; भीषण अपघातात डॉक्टर दाम्पत्यांचा मृत्यू

वरोरा ( राज्य रिपोर्टर ) : दिनांक. 22 मार्च बुधवार रोजी वरोरा - वणी  मार्गावरील शेंबळ गावाच्या शिवारात रस्त्याच्या वाळणावर हायवा ट्रकने कारला समोरून धडक दिली. या भीषण अपघातात कारमधील डॉक्टर दाम्पत्यांचा मृत्यू पावले सदर घटना  दुपारच्या सुमारास 3:30  वाजताच्या दरम्यान घडली.

या अपघातात स्त्री रोग तज्ञ डॉ. अश्विनी अतुल  गौवकर झाडे ( 31 )  वर्ष या जागीच ठार झाल्या तर डॉ. अतुल जनार्दन  गौवकर ( 35 ) वर्ष हे गंभीर जखमी झाले होते. त्यांना चंद्रपूर येथे हलविले असता कोंडा फाट्याजवळ त्यांनी आपले प्राण सोडले. डॉ. अश्विनी गौवकर झाडे या चार दिवसापूर्वी वणी येथील उपजिल्हा रुग्णालय येथे रुजू झाल्या होत्या तर डॉ. अतुल गौरकर हे आर्वी येथील रुग्णालयात कार्यरत होते.

सदर डॉक्टर दाम्पत्यां  क्र. MH 34  AM 4240  कारने  वणी कडे जात होते, तर विरुद्ध दिशेने ट्रक क्रमांक. MH 34  BZ 2996  हायवा ट्रक भरधाव येत होतं शेंबळ गावाच्या  शिवारातील रस्त्यांच्या वळणावर दोन्हीही वाहने समोरासमोर भिडली असता भीषण अपघात झाला. हा अपघातात इतका भीषण होतं की डॉक्टर  दांम्पत्याचे वाहन पुढील बाजूने चक्काचूर झाले.  यावेळी स्थानिक नागरिकांनी गर्दी केली. तसेच पोलिसांना सुचविण्यात आले.  या प्रकरणी हायवा ट्रकच्या ड्रायव्हर अभिमन्यू संकेत वय 28 वर्ष याला पोलिसांनी अटक केली. गौरकार डॉक्टर दाम्पत्याला  एक वर्षाचा लहान बाळ आहे. या अपघाताने गौरकर कुटुंबावर दुःखाचा डोंगर कोसळला आहे. या दुर्दैवी घटना मुळे वनी, वरोरा, मालेगाव तसेच वर्धा जिल्हा हळहळ व्यक्त करण्यात येत आहे.