सापळा रचुन बल्लारशाह वनपरिक्षेत्राच्या उपक्षेत्राच्या अंतर्गत उमरी मधील सातारा भोसले गावात धाड, 3 आरोपीना अटक अन्वये वनगुन्हा दर्ज

सापळा रचुन बल्लारशाह वनपरिक्षेत्राच्या  उपक्षेत्राच्या अंतर्गत उमरी मधील सातारा भोसले  गावात धाड, 3 आरोपीना अटक अन्वये वनगुन्हा दर्ज 

◾चितळ वन्यप्राण्याचे मांस ( सुकवा ) मिळुण आले .

◾शिंगासह मुंडके , चामडे व पाय जप्त 

◾लोखंडी कुऱ्हाड -2 , सुरा -1 व बांबुचा ताटवा 1  

बल्लारपूर ( राज्य रिपोर्टर ) : मिळालेल्या गोपनिय माहितीवरुन बल्लारशाह परिक्षेत्रातील उपक्षेत्र उमरी मधील सातारा भोसले  गावात नामे ज्ञानेश्वर विश्वनाथ गावंडे रा.सातारा भोसले यांचे घरी धाड टाकुण झडती घेण्यात आली. 

झडती दरम्यान त्यांचे घरात वन्यप्राण्याचे मांस ( सुकवा ) मिळुण आले . सदर मासांबाबत अधिक चौकशी केली असता सदर मांस हे चितळ वन्यप्राण्याचे असुन सरकारी जंगलातुन आणले आहे व सदर वन्यप्राण्याची विल्हेवाट लावणेकामी आरोपी कैलाश बाबुराव कन्नाके रा. सातारा भोसले व आरोपी श्रीनिवास विठ्ठल पेंदोर रा.सातारा भोसले यांचा सुद्धा सहभाग असल्याची माहिती मिळाली. तेव्हा सदर घटनेत वापण्यात आलेले साहित्य ( लोखंडी कुऱ्हाड -2 , सुरा -1 व बांबुचा ताटवा 1 ) जप्त करण्यात आले . सदर घटनेतील तिनही आरोपींना ताब्यात घेऊन प्राथमिक वनगुन्हा क्र. 08953/223806 दिनांक 28/09/2022 अन्वये भारतीय वन्यप्राणी ( संरक्षण ) अधिनियम 1972 चे कलम 39, 48 व शिक्षा कलम 51 अन्वये वनगुन्हा जारी करण्यात आला . 

आरोपींना रात्रौ पोलिस ठाणे उमरी पोतदार येथे वनकर्मचाऱ्यांचे निगरानित ठेवण्यात आले . दिनांक 29/09/2022 रोजी सकाळी 09.00 वा . आरोपींना मोकास्थळी नेऊन अधिक चौकशी केली असता आरोपींनी वेगवेगळ्या ठिकाणी लपवुन ठेवलेले चितळ वन्यप्राण्याचे अवयव ( शिंगासह मुंडके , चामडे व पाय ) जप्त करण्यात आले . सदर अवयव ताब्यात घेऊन त्याचा पंचनामा करुन दहन करण्यात आला . व आरोपींना मा . विद्यमान मा . न्यायदंडाधिकारी प्रथम श्रेणी न्यायालय पोंभुर्णा यांचे कोर्टात सादर करण्यात आले . सदर प्रकरणाचा पुढील तपास श्रीमती. श्वेता बोड्डु , उपवनसंरक्षक मध्य चांदा वनविभाग चंद्रपुर, श्री. श्रीकांत पवार, सहाय्यक वनसंरक्षक ( वनी व वन्य ) यांचे मार्गदर्शनात श्री.नरेश भोवरे, वनपरिक्षेत्र अधिकारी बल्लारशाह हे करीत आहे. सदर सापळा रचुन करण्यात आलेल्या जप्तीच्या कार्यवाहीचे यशस्वीतेकरीता श्री.अब्बास पठाण , क्षेत्र सहाय्यक उमरी , श्री . डी . एस . बावणे , क्षेत्र सहाय्यक मानोरा , वनरक्षक कु.पायल शेडमाके , कु.जे.बि.अटेल, श्री.पि.बि. धांडे, श्री. एस. एस. नैताम, श्री. टि.ओ. कामले व इतर वनकर्मचारी यांनी सहकार्य केले. अशी माहिती नरेश भोवरे वनपरिक्षेत्र अधिकारी बल्लारशाह यांनी दिली.