तृतीयपंथीयांचे ओळखपत्र व प्रमाणपत्रासाठी शिबिराचे आयोजन

 

तृतीयपंथीयांचे ओळखपत्र व प्रमाणपत्रासाठी शिबिराचे आयोजन

◾ सकाळी 11 ते 5 या वेळेत उपस्थित राहण्याचे आवाहन

चंद्रपूर ( राज्य रिपोर्टर ) : जिल्ह्यातील तृतीयपंथीय व्यक्तींना नॅशनल पोर्टल फॉर ट्रान्सजेंडर पर्सन या केंद्र शासनाच्या पोर्टलद्वारे तृतीयपंथी असल्याबाबतचे प्रमाणपत्र व ओळखपत्र उपलब्ध करून द्यावयाचे आहे. त्याकरिता, दि. 13 जून 2022 रोजी सकाळी 11 ते 5 या कालावधीत सहाय्यक आयुक्त, समाजकल्याण, सामाजिक न्यायभवन, जलनगर वार्ड, चंद्रपूर येथे तृतीयपंथीयांचे ओळखपत्र व प्रमाणपत्रासाठी एक दिवसीय शिबिराचे आयोजन करण्यात आले आहे. जिल्ह्यातील तृतीयपंथीय व्यक्तींनी या शिबिराला विहित वेळेत उपस्थित राहावे. असे आवाहन समाजकल्याण विभागाचे सहाय्यक आयुक्त अमोल यावलीकर यांनी केले आहे.