संभाजीनगर शहरातील प्रत्येक शाळेत व महाविद्यालयांमध्ये ऍडमिशन फॉर्म मराठीतच असावा लागेल अशी मागणी

संभाजीनगर शहरातील प्रत्येक शाळेत व महाविद्यालयांमध्ये ऍडमिशन फॉर्म मराठीतच असावा लागेल अशी मागणी 

युवासेनेचे शहरसचिव अक्षय खेडकर यांनी शालेय शिक्षणमंत्री वर्षा ताई गायकवाड व शिक्षण अधिकारी चव्हाण यांच्याकडे केली

औरंगाबाद, (राज्य रिपोर्टर) : महाराष्ट्र सरकारने महाराष्ट्र मध्ये  पहिली ते दहावी सर्व शाळांना मराठी भाषा हा विषय तेलंगाना ,तामिळनाडू, कर्नाटका , या राज्यांनी घेतलेल्या निर्णयाच्या आधारे आपल्या राज्यातही मराठी भाषा विषय हा प्रत्येक शाळेमध्ये अनिवार्य असला पाहिजे असा निर्णय घेण्यात आला त्यामुळे युवा सेने द्वारे प्रत्येक शाळांमध्ये ऍडमिशन फॉर्म मराठीतच असला पाहिजे असे निवेदन वर्षाताई गायकवाड व शिक्षणाधिकारी माध्यमिक चव्हाण साहेब यांना ई-मेल द्वारे देण्यात आले.

संभाजीनगर जिल्ह्यामध्ये 4500 नोंदणीकृत शाळा व हजारोच्या संख्याने महाविद्यालय व प्रायव्हेट कोचिंग क्लासेस आहेत  त्यामुळे आता कोरोनाच्या काळानंतर काही दिवसातच प्रवेश प्रक्रिया सुरू होणार आहे त्यामुळे आम्ही युवासेना द्वारे युवासेना शहर सचिव अक्षय खेडकर यांनी सर्व शाळा व महाविद्यालयात संबंधित प्रशासनाच्या मार्फत  व शिक्षण विभागाद्वारे सर्वांना  निवेदना द्वारे  माहिती देण्यात आली आहे , तसेच आपल्या शिक्षण संस्था चे महाविद्यालयाचे व कोचिंग क्लासेस चे ऍडमिशन फॉर्म मराठी भाषेमध्ये असणे अनिवार्य आहे असा इशारा युवासेनेचे अक्षय खेडकर यांनी दिला .

 आज महाराष्ट्र सरकार मराठी भाषेच्या जनजागृतीसाठी प्रत्येक शाळेमध्ये मराठी भाषा हा विषय अनिवार्य असलाच  पाहिजे असा निर्णय मागील काही दिवसांपुर्वी घेतला गेला आहे त्यामुळे त्या निर्णयाचा आपण सर्वांनी आदर करून आपण  आपल्‍या शिक्षण संस्थेच्या सर्व गोष्टी मराठी मध्ये असणे अनिवार्य राहील असे युवासेना द्वारे सांगण्यात आले ,त्यामुळेच जर आपणच स्वतः शाळेच्या ऍडमिशन प्रोसेस पासूनच विद्यार्थ्यांमध्ये मराठी भाषेबद्दल चा आदर निर्माण केला तर आपोआपच भविष्यातील येणाऱ्या तरुण पिढीमध्ये मराठी भाषेबद्दल आदर निर्माण होईल व आपणास आपल्याच भाषेसाठी नियम करावे लागणार नाहीत .

या सर्व गोष्टींची माहिती मेल द्वारे आपल्या राज्याचे शालेय शिक्षणमंत्री वर्षा ताई गायकवाड व माध्यमिक शिक्षण विभागाचे शिक्षणाधिकारी  चव्हाण साहेब यांना  दिली आहे. त्यामुळे भविष्यात कुठल्याही ऍडमिशन प्रक्रियांमध्ये कोणतीही शाळा किंवा महाविद्यालय आपले फॉर्म मराठीतच प्रसिद्ध करेल व ते विद्यार्थ्यांकडून मराठीतच भरून घेतले जातील असे  युवासेना द्वारे युवासेना शहर सचिव अक्षय खेडकर यांच्यातर्फे सांगण्यात आले आहे जर कोणत्याही शाळांनी किंवा शिक्षण संस्था महाविद्यालय या सूचनेकडे  जाणीवपूर्वक दुर्लक्ष  युवासेनेच्या पद्धतीने  शाळांना व महाविद्यालयांना धडा शिकवण्यात येईल असे आव्हान युवा सेनेचे शहर सचिव अक्षय खेडकर यांनी केले आहे हे करत असताना यामध्ये अक्षय पात्रीकर ,नागेश थोरात ,पवन गायकवाड ,अविनाश खेडकर, अमीर शेख ,समाधान बनकर पाटील, सूर्यकांत सुर्यवंशी, योगेश पवार ,सलिम शेख ,अजय चव्हाण ,सोनू लोखंडे, आकाश पोळ तसेच शहरातील सर्व युवासैनिक उपस्थित होते

हे सर्व विषय आमचे मार्गदर्शन माननीय आमदार आंबदास जी दानवे साहेब व नगरसेवक राजू वैद्य साहेब यांच्या मार्गदर्शनाखाली चालू आहे.