सक्तीच्या प्रवेश शुल्क आकारण्यावर निर्बंध आणा
खासदार बाळू धानोरकर यांची जिल्हाधिकाऱ्यांनसोबत बैठक
चंद्रपुर, राज्य रिपोर्टर : कोरोना विषाणूच्या प्रादुर्भावावर मार्च महिन्यात लॉकडाऊन जाहीर करण्यात आले. या काळात उद्योग व्यवसाय ठप्प पडले. लोकांच्या हातात पैसा नाही, संकट काळात शाळा, कॉन्व्हेंट व्यवस्थापका कडून सक्तीने प्रवेश शुल्क आकारण्यात येत आहे. यासंदर्भात मोठ्या प्रमाणावर पालकांच्या तक्रारी येत आहेत. या पार्श्‍वभूमीवर कर्तव्यदक्ष खासदार बाळू धानोरकर यांनी जिल्हाधिकारी डॉ. कुणाल खेमनार यांची भेट घेतली. शाळा, कॉन्व्हेंट चे प्रवेश शुल्क कमी करावे, सक्तीने घेण्यात येणारे प्रवेश शुल्क थांबवावेत, प्रवेश शुल्क वाढवू नये, कोणालाही प्रवेश शुल्क न भरल्यास त्यांना काढू नये अशा सूचना त्यांनी दिल्या.
देशात तसेच राज्यात कोरोना विषाणूमुळे मोठ्या प्रमाणावर सर्वच स्थरातील काम करण्याऱ्या व्यक्तीना मोठा आर्थिक फटका बसला आहे. प्रत्येक व्यक्ती आपले पाल्य मोठ्या शाळा, कॉन्व्हेंट मध्ये शिक्षण घ्यावे असे वाटत असते. आपल्या मिळकती प्रमाणे आपल्या पाल्याला शाळा, कॉन्व्हेंट प्रवेश करीत असतात. मात्र कोरोना विषाणूमुळे अनेक व्यक्तीच्या आर्थिक फटका बसल्यामुळे त्यांचे बजेट कोलमडले आहे. त्यात मोठ्या शाळा, कॉन्व्हेंट मध्ये मोठ्या प्रमाणात प्रवेश शुल्क आकारण्यात येते. आधी ते भरण्याची त्यांची कुवत होती. मात्र आता आर्थिक संकटामुळे त्यांच्यासमोर मोठा प्रश्न उभा राहिला आहे.
त्यामुळे हे संकट दूर होई पर्यन्त या वर्षी मागील वर्षाचा तुलनेत प्रवेश शुल्क कमी अकारावे, सक्तीने घेण्यात येणारे प्रवेश शुल्क थांबवावेत, कोणालाही प्रवेश शुल्क न भरल्यास त्यांना काढू नये अशा महत्वपूर्ण सूचना खासदार बाळू धानोरकर यांनी जिल्हाधिकारी डॉ. कुणाल खेमणार यांना केल्या. यावर सकारात्मक कार्यवाही करण्याची ग्वाही त्यांनी दिली. यावेळी मनसेचे युवा नेते मनदीप रोडे, श्री महाजन यांची उपस्थिती होती.
0 Comments