महाविकास आघाडीच्या शासनाने राज्यातील वीज बिल माफ करावे

कोरोना महामारी तसेच लॉक डाउन काळातील  विजबिल माफ़ीचा मुख्यमंत्रीना निवेदन पाठविल :- चेतन गेडाम

युवक कांग्रेस बल्लारपुर व NSUI ने आंदोलनाचा इशारा दिला

महाविकास आघाडीच्या शासनाने राज्यातील  वीज बिल माफ करावे

बल्लारपुर,(राज्य रिपोर्टर) : कोरोना महामारी मूळे सामान्य नागरिकांचे कंबरडे मोडले गेले आहे. अनेकांचे आर्थिक मिळकतीचे स्रोतच बंद झाले आहेत. अशास्थितीत वीज बिल भरणे शक्य नाही. त्यामुळे महाविकास आघाडीच्या शासनाने राज्यातील  वीज बिल माफ करावे, अशी मागणी बल्लारपूर विधानसभा युवक काँग्रेस,बल्लारपूर शहर काँग्रेस, व बल्लारपूर तालुका NSUI, पक्षा तर्फे करण्यात आली. यासाठी  पक्षाच्या पदाधिकाऱ्यांनी  तहसीलदारांना निवेदन दिले. याशिवाय सोशल मीडियाच्या माध्यमातून हे आंदोलन पुढेही चालविण्यावर भर राहणार असल्याचे पक्षाकडून सांगण्यात आले.

महाराष्ट्रात कोरोनाचा सर्वात जास्त फटका बसला आहे. अशास्थितीत वीज बिल भरणे नागरिकांसाठी शक्य नाही. महाविकास आघाडीच्या शासनाने जनतेचा विचार करून वीज बिले माफ केली पाहिजे. कोरोनाच्या महामारी काळात सामान्य नागरिकांच्या लॉकडाऊन काळातील विजेची बिले माफ झाल्यास त्यांना मोठा दिलासा मिळणार आहे, अशी भूमिका बल्लारपूर युवक काँग्रेस ने या निवेदनातून मांडली आहे. महाराष्ट्राचे मुख्यमंत्री उद्धव ठाकरे व वीज मंत्री नितीन राऊत यांना तहसीलदार मार्फत निवेदन पाठविण्यात आले.

यात उपस्थित बल्लारपूर विधानसभा युवक काँग्रेसचे अध्यक्ष चेतन गेडाम,महासचिव शंकर महाकाली, बल्लारपूर शहर युवक काँग्रेस अध्यक्ष व न.प बल्लारपूर सदस्य  निशांत आत्राम, बल्लारपूर NSUI तालुका अध्यक्ष जिशान सिद्दिकी व बल्लारपूर उपाध्यक्ष NSUI अंकीत निवलकर लोकडॉऊन चा नियमाचा पालन करत उपस्थित होते.