अट्रोसिटी अंतर्गत गुन्हा दाखल होवूनहीँ आरोपी मोकळे

अट्रोसिटी अंतर्गत गुन्हा दाखल होवूनहीँ आरोपी मोकळे            
 आरोपीना तत्काळ अटक करण्याची मागणी - मयूर दसूडे       

 चंद्रपुर, राज्य रिपोर्टर : मागील 7 दिवसांपूर्वी वरोरा शहरातील पदमालय ले-आउट परिसरात वास्तव्यास असलेल्या मयूर दसूडे यांनी चंद्रपुर शहरात घेतलेल्या पत्रकार परिषदेत आपल्या झालेल्या आपबितीचे कथन केले व पुरोगामी महाराष्ट्रात आजही दलितावर होत असलेल्या अन्याय वर त्वरित उपाययोजना करून अट्रोसिटी एक्ट अंतर्गत दाखल झालेल्या गुन्हा अंतर्गत आरोपिला त्वरित अटक करण्याची मागणी मयूर दसूडे यानी केली आहे.   

      या विषयी च्या सविस्तर वृत्तानुसार 28 मे 2020 ला वरोरा शहरात पदमालय ले-आउट परिसरात हरड़े यांच्या घरी किरायाने राहत असलेल्या मयूर दसूडे यांचेवर त्यांचे शेजारी राहणारे सुरेश नामपल्लीवार, भारत नामपल्लीवार, व आणखी 2 व्यक्ति(स्त्री), यानी संगनमत करून मयूर दसूडे वर प्राणघातक हल्ला केला व मागील एक वर्षापासून नेहमीच जातिवाचक शिव्या देण्यात येतात 28 में ला तर वाद विकोपाला जावुन सायंकाळी 7:30 वा च्या सुमारास माझ्यावर हल्ला करण्यात आला व माझ्या पत्नीमुळेच माझा जीव वाचला या घटनेची मि वरोरा पोलिस स्टेशन ला रितसर तक्रार दाखल केली असता आरोपी वर भादवी क्र ३२४, ५०४, ५०६ व अनुसूचित जाति जमाती अत्याचार प्रतिबंधक कायदा अधिनियम १९८९ च्या कलम ३(१)(R),३(१)(S) व ३(२)(V) नुसार गुन्हा दाखल झाला असूनही मागील 7 दिवसांपासून सदर आरोपीना साधी अटकही झाली नाही आरोपी मोकाट फिरत असून त्यांच्याद्वारे माझ्या जिवाला धोका असल्याची माहिती सुद्धा मयूर दसूडे यांनी पत्रकार परिषदेत दिली आहे तसेच आरोपीना त्वरित अटक करण्याची मागणी सुध्दा मयूर दसूडे यांनी केली आहे.