जागेच्या वादातुन एकाचा खून : आरोपीस त्वरेने अटक।

 जागेच्या वादातुन एकाचा खून : आरोपीस त्वरेने अटक।     

 बल्लारपुर तालुक्यातील आसेगाव मध्ये  जागेच्या वादातुन एकाचा खून    
    
  उपचारा दरम्यान सुकरु शिडाम यांचे निधन

 बल्लारपुर (राज्य रिपोर्टर)दिपक भगत : बल्लारपुर तालुक्यातील मौजा आसेगाव निवासी सुकरु वाघु शिडाम वय - ७० वर्ष यांचेसोबत त्यांचा चुलत भाटवा नामे विलास विठोबा मड़ावी वय - ५० वर्ष, आसेगाव निवासी असून या दोघांचेही घराच्या बाजूला असलेल्या मालकी हक्काच्या जागेवरुन मागील १ वर्षापासून वाद सुरु असल्याने या वादाचे रूपांतर भांडणात झाले व दिनांक ७ जून २०२० ला रात्री ०८ ते ०९ च्या सुमारास आरोपी विलास विठोबा मड़ावी यांनी घटनेच्या वेळी दगड व लाथानी सुकरु वाघु शिडाम यास मारहाण केली व या मारहाणीत सुकरु शिडाम यांच्या डोक्याला जबर मार लागल्यामुळे त्यांना खाजगी रुग्णालयात दाखल करण्यात आले व त्यानंतर ०८ जून २०२० ला जिल्हा सामान्य रुग्णालय चंद्रपुर येथे उपचारार्थ दाखल केले असता उपचारा दरम्यान सुकरु शिडाम यांचे निधन झाले यामुळे पोलिस स्टेशन बल्लारपुर अपराध क्रमांक  ४१०/२०२० कलम ३०२ भादवि अन्वये गुन्हा दाखल करण्यात आला असून सदर गुह्यातील आरोपी विलास विठोबा मड़ावी यास आसेगाव ता. बल्लारपुर यास अटक करण्यात आली. सदर गुन्हा संबंधीचा तपास मा.पोलिस अधीक्षक डॉ महेश्वर रेड्डी, मा.अप्पर पोलिस अधीक्षक साहेब, मा उपविभागीय पोलिस अधिकारी स्वप्नील जाधव, यांच्या मार्गदर्शनात तपास सुरु असून घटनास्थळी पोलिस निरीक्षक शिवलाल भगत, सपोनि गोंदके साहेब, सपोनि जोशी साहेब, सपोनि गायकवाड़ साहेब यांच्या सह पोलिस स्टाफ ने घटनास्थळाला भेट देवून पुढील तपास सुरु आहे.