प्रशिक्षणाला अनुपस्थित असणाऱ्या १४५ अधिकारी/कर्मचाऱ्याना कारणे दाखवा नोटिस

कोरोनाच्या पार्श्वभूमीवर प्रशिक्षणाला अनुपस्थित असणाऱ्या १४५ अधिकारी/कर्मचाऱ्याना कारणे दाखवा नोटिस

बल्लारपुर : सद्यास्थितित संपूर्ण जगभरात व भारतात कोविड-१९  कोरोना ची साथ सुरु असून आपल्या कार्यक्षेत्रात केव्हाही पोझिटिव्ह केस निघण्याची शक्यता नाकारता येत नाही तेव्हा पाझिटिव्ह केस निघाल्यास कन्टेमेन्ट झोन व बंफर झोन निश्चित करण्याच्या उद्देशाने मा. जिल्हाधिकारी चंद्रपुर यांच्या आदेशानवये सर्वे करण्याकरीता बल्लारपुर शहरी विभागात एकूण ३६० पथकाचे गठन करण्यात आले आहे.

          या अनुषंगाने अधिकारी व कर्मचारी यांना सविस्तर माहिती होण्याच्या दृष्टिने मा. जे.बी.पोहनकर तहसीलदार साहेब बल्लारपुर, मा. वाहुरकर मॅडम वैद्यकीय अधिक्षक बल्लारपुर यांच्या मार्गदर्शनात १ एप्रिल २०२० रोजी बल्लारपुर शहरातील नाट्यगृह येथे आयोजित करण्यात आली होती परंतु सदर प्रशिक्षणाला १४५ अधिकारी व कर्मचारी उपस्थित नव्हते ही अत्यंत गंभीर बाब आहे त्यामुळे संबंधितावर आपत्ति व्यवस्थापन अधिनियम २००५ मधील कलम २५ अन्वये फौजदारी स्वरूपाची कारवाई का करण्यात येवू नये याबाबत आपले स्पष्टीकरण २ दिवसाच्या आत कार्यालयात सादर करण्यात यावे अन्यथा आपणावर एकतर्फे कारवाई करण्यात येईल अशा प्रकारची कारणे दाखवा नोटिस १४५ अधिकारी व कर्मचारी यांना देण्यात आली आहे.