बल्लारपुर शहरातील प्रत्येक कुटुंबाला मिळणार पास

बल्लारपुर शहरातील प्रत्येक कुटुंबाला मिळणार पास

बल्लारपुर (राज्य रिपोर्ट): कोरोनाच्या जीवघेण्या विषाणुजन्य आजारावर मात करण्यासाठी व लॉकडाउन चे नागरिकांनी पालन करण्याच्या उद्देशाने बल्लारपुर नगर परिषदेच्या वतीने शहरातील प्रत्येक कुटुंबीयांना पास वितरण करणार आहेत. मा जिल्हाधिकारी चंद्रपुर यांच्या आदेशानुसार लॉकडाउन च्या कालावधीत अत्यावश्यक कामाशिवाय घराबाहेर पडन्यास प्रतिबंध करण्यात आले असल्यामुळे शासनाने नगर परिषद बल्लारपुर क्षेत्रातील प्रत्येक वार्ड नुसार आंगनवाड़ी सेवीकेचे पथक गठित करण्यात आले आहे व नगर परिषद शाळेच्या शिक्षकाना पर्यवेक्षक म्हणून नेमनुक करण्यात आली आहे. नगर परिषद बल्लारपुर च्या वतीने आंगनवाड़ी सेवीकेच्या माध्यमातुन तारीख निहाय नागरिकांना पास वितरण करण्यात येणार आहे. सदर पास प्रत्येक कुटुंबाला अत्यावश्यक वस्तु घेण्याकरिता 5 दिवसातून एकदा सकाळी 11.30 ते 4.30 वाजेपर्यंत वापरण्याकरिता देण्यात येत असून सदर पास सोबत आधार कार्ड किवा अन्य कोणतेही ओळखपत्र ठेवणे बंधनकारक राहिल या नियमाचे पालन न केल्यास सदर पास जप्त करून कायदेशीर कारवाई करण्यात येईल तसेच पास जप्त झाल्यास किंवा हरविल्यास पुन्हा प्रदान करण्यात येणार नाही या पास सोबत नगर परिषदेने तयार केलेल्या होमडिलीवरी द्वारे किराणा दुकान व मेडिकल स्टोर्स यांची यादी नागरिकांना त्या वार्ड तील नागरिकांना देण्यात येईल सदर पथकाकडुन  सर्व वार्डमध्ये पास वितरणाचे कार्य लवकरात लवकर पूर्ण व्हावे व नागरिकांची ग़ैरसोय संपवावी या उद्देशाने बालविकास प्रकल्प अधिकारी श्री पेठे यांनी सर्व पथकाना मार्गदर्शन केले असून कोणतेही कुटुंब पास पासून वंचित राहु नये असे मत मा. विपीन मुद्दा, मुख्याधिकारी नगर परिषद बल्लारपुर यांनी व्यक्त केले.