संजय गांधी व श्रावण बाळ निराधार योजनेचे लाभार्थी 2 महिन्यापासुन वंचित
दिपक भगत/बल्लारपुर :- आपल्या आयुष्याच्या उतार वयात अनेक निराश्रित असलेल्या वंचिताना संजय गांधी निराधार योजना व श्रावण बाळ निराधार योजने अंतर्गत अनुदान मिळत असते मात्र बल्लारपुर शहरातील संजय गांधी निराधार योजना व श्रावण बाळ निराधार योजनेचा लाभ मिळणाऱ्या अनेक वंचितानी दिलेल्या माहितीनुसार मागील 2 महिन्यापासुन कोणतीही स्वरूपाचे अनुदान आमच्या बैंक खात्यात जमा झाले नसल्याची माहिती दिली आहे. सद्यास्थितित भारतासह संपूर्ण जगात कोरोना या जीवघेण्या विषाणुजन्य आजाराने थैमान घातले असताना व मागील 25 मार्चपासुन 14 एप्रिल पर्यंत लॉकडाउन ची परिस्थिति असताना सर्वसामान्य नागरिक आपल्या घरी वासव्यास आहेत अशा परिस्थितीत अनेक ज्येष्ठ नागरिक आपल्याच घरी आहेत.
भारत सरकारच्या प्रधानमंत्री गरीब कल्याण अन्न योजने अंतर्गत अनेक लाभार्थयाना मोफत धान्याचे वितरण होणार आहे मात्र शासनाच्या परिपत्रकानुसार प्रत्येक शिधापत्रिका धारकाना आपले नियमित असलेले अन्न धान्य सोडविल्या शिवाय मोफत अन्न मिळणार नसल्याचा सूचना आहेत. निराधार योजनेच्या अनेक लाभार्थयानी दिलेल्या माहितीनुसार फरवरी व मार्च या दोन्ही महिन्याचे अनुदान मिळाले नसताना आम्ही कुठून पैसे आणायचे व अन्न धान्य सोड़वायचे यामुळे आमच्यावर उपासमारीची वेळ सुध्दा येवू शकते.देशाच्या काही राज्य सरकारणी आपल्या राज्यातील निराश्रित जनतेला अड़चन जानवू नये म्हणून एडवान्स मध्ये काही रक्कम सम्बंधिताच्या खात्यात जमा केली असताना महाराष्ट्र शासनाने सुद्धा त्वरित संजय गांधी निराधार योजना व श्रावण बाळ निराधार योजनाची रक्कम लाभार्थयांच्या खात्यात जमा करण्याची मागणी बल्लारपुर शहरातील सक्रिय कार्यकर्ता व नगरसेवक विनोद(सिक्की) रामु यादव यांनी दिलेल्या निवेदनातून केली आहे व अशा प्रकारचे निवेदन त्यानी तहसीलदार बल्लारपुर मार्फ़त मुख्यमंत्री व इतर प्रशासकीय अधिकाऱ्यांना दिले आहे.
0 Comments