महसूल सप्ताहाच्या चौथ्या दिवशी, बल्लारपूर, कोठारी व विसापूर येथे छत्रपती शिवाजी महाराज महाराजस्व अभियानाचे आयोजन

महसूल सप्ताहाच्या चौथ्या दिवशी, बल्लारपूर, कोठारी व विसापूर येथे छत्रपती शिवाजी महाराज महाराजस्व अभियानाचे आयोजन

बल्लारपुर,( राज्य रिपोर्टर न्युज ) :  " महसूल सप्ताहाच्या चौथ्या दिवशी,दि.4 ऑगस्ट रोजी मौजा-बल्लारपूर, कोठारी व विसापूर येथे छत्रपती शिवाजी महाराज महाराजस्व अभियानाचे आयोजन " महसूल विभाग हा शासनाचा कणा असून केंद्र व राज्य शासनाच्या विविध सामाजिक योजना या विभागामार्फत राबविण्यात येतात. 

राज्य व केंद्र शासनाच्या धोरणानुसार आता अनुदानाची रक्कम थेट लाभार्थ्यांचे खात्यामध्ये जमा होत असल्याने लाभार्थ्यांनी त्यांचे बँक खाते आधार संलग्न करणे व DBT पोर्टल मध्ये नोंदणी प्रमाणित करणे आवश्यक आहे. DBT प्रणाली डिसेंबर,2024 पासून सुरु करण्यात आली असून अनुदानाची रक्कम थेट लाभार्थ्यांचे आधार संलग्न बँक खात्यामध्ये जमा होत आहे. 

तालुक्यातील बऱ्याच लाभार्थ्यांनी त्यांचे बँक खाते आधार संलग्न केले नसल्याने अनुदान मिळण्यापासून वंचित राहू नये याकरीता महसूल सप्ताहाचे औचित्य साधून श्रीमती.रेणुका कोकाटे (शिंदे) तहसीलदार, बल्लारपूर यांचे यांचे मार्गदर्शनाखाली मौजा-कोठारी, बल्लारपूर व विसापूर येथे दि.04 ऑगस्ट, 2025 रोजी छत्रपती शिवाजी महाराज महाराजस्व अभियाना अंतर्गत विशेष शिबिराचे आयोजन करुन संगायो व श्रावणबाळ योजनेच्या लाभार्थ्यांचे  DBT पोर्टलमध्ये सेतू केंद्र चालक व महसूल कर्मचारी यांचे सहकार्यातून गरजू लाभार्थ्यांचे सत्यापण व बँक खाते आधार संलग्न करण्यात आले. 

विशेष शिबिरात विविध योजनेची माहिती देण्यात आली व विविध प्रमाणपत्राचे वाटप करण्यात आले. महाराजस्व अभियानाचे यशस्वी होण्यासाठी नायब तहसिलदार सर्वश्री. महेंद्र फुलझेले, अजय मलेलवर, सतीश साळवे,  निरीक्षण अधिकारी कु.प्राजक्ता सोमलकर, मंडळ अधिकारी  सर्वश्री. किशोर नवले, सुजित चौधरी, ग्राम महसूल अधिकारी सर्वश्री. अकोजवार, कंबलवार, झाडे, चांदेकर, नौकरकर, निंबाळकर कु.मडावी, आरती दुलत सहायक महसूल अधिकारी सर्वश्री. दीपक वडूळे, सुनिल तुंगीडवार, अजय देवतळे कु.सोनू गावंडे, कु.निलम नगराळे सेतू केंद्र चालक सर्वश्री. दीपक मांढरे, रायपुरे, दुबे, खलील खान तसेच इतर महसूल कर्मचारी सर्वश्री.पुंजाराम राऊत, अमोल डोंगरे, संदीप वेटे,  सुमित वाटगुळे, कचरु गेडाम, कु.प्राची गुजनवार इत्यादी कर्मचाऱ्यांनी विशेष प्रयत्न केले.