रेकॉर्ड वरील मोटार सायकल चोरणारे तिद्यांना अटक

 

रेकॉर्ड वरील मोटार सायकल चोरणारे तिद्यांना अटक

◾चोरीची होंडा युनिर्कान मोटार सायकल किं. १,००,०००/- रु.ची जप्त

◾स्थानिक गुन्हे शाखा चंद्रपूर ची कारवाई

चंद्रपूर,( राज्य रिपोर्टर न्युज ) : दिनांक २६/०८/२०२५ रोजी स्थानिक गुन्हे शाखा, चंद्रपूर चे पथक शहर परिसरात पेट्रोलिंग करीत असतांना त्यांना गोपनिय बातमीदाराकडुन खात्रीशिर माहिती मिळाली की, तीन युवक त्यांच्या ताब्यातील मोटार सायकल सह सामान्य रुग्णालय चंद्रपूर येथे संशयास्पद स्थितीत फिरत आहेत. यावरुन स्थानिक गुन्हे शाखा पथकाने पंचासमक्ष सदर ठिकाणी जावुन सदर युवकांची चौकशी केली असता तिन्ही रेकॉर्ड वरील आरोपी असुन आरोपी (१) योगेश चक्रधर सहारे वय १९ वर्ष रा. येरगांव सिंदेवाही, (२) अभय अनिल बोरकर वय २३ वर्ष (३) साहिल संदिप बोरकर वय १९ वर्ष दोन्ही रा.लोणवाही, सिंदेवाही यांचे ताब्यातील मोटार सायकल होंडा युनिकॉर्न क्रमांक एम.एच.३४-सीजी-९९३१ किंमत अंदाजे १,००,०००/- रु. ची ही पोलीस स्टेशन सिंदेवाही अपराध क्रमांक २१९/२०२५ कलम ३०३ (२) भारतीय न्याय संहिता-२०२३ या गुन्हयातील चोरीची असल्याचे निष्पन्न झाल्याने सदर तिन्ही युवकांना मोटार सायकलसह ताब्यात घेवुन पोलीस स्टेशन सिंदेवाही येथील पोलीसांना स्वाधिन करण्यात आले असुन पुढील तपास सिंदेवाही पोलीस करीत आहे.

सदरची कामगिरी पोलीस अधीक्षक मुम्मका सुदर्शन, अपर पोलीस अधीक्षक ईश्वर कातकडे यांचे मार्गदर्शनाखाली स्थानिक गुन्हे शाखा, चंद्रपूर चे पो.नि. अमोल काचोरे यांचे नेतृत्वात सपोनि दिपक कॉक्रेडवार, पोउपनि संतोष निंभोरकर, पोउपनि सर्वेश बेलसरे, पोहवा नितीन साळवे, नितीन कुरेकार, प्रमोद कोटनाके, गजानन मडावी व पोअं अमोल सावे, प्रसाद धुळगंडे सर्व स्थानिक गुन्हे शाखा, चंद्रपूर यांनी केली आहे.