अतिवृष्टी व पुरामुळे झालेल्या नुकसानीचे तात्काळ पंचनामे करा
◾जिल्हाधिकाऱ्यांचे सर्व तहसीलदार व संबंधित यंत्रणेला निर्देश
चंद्रपूर,( राज्य रिपोर्टर न्युज ) : प्रादेशिक हवामान केंद्र, भारतीय हवामान खाते, नागपूर यांनी आज (दि.19 ) चंद्रपूर जिल्ह्यासाठी “रेड अलर्ट” तसेच उद्या (दि.20 ) “येलो अलर्ट” दिलेला आहे. या पार्श्वभूमीवर जिल्ह्यात काही ठिकाणी ढगफुटीसदृष्य परिस्थिती निर्माण होऊन मुसळधार पावसाची शक्यता वर्तविण्यात आली आहे. मागील दोन दिवसांपासून जिल्ह्यात झालेल्या अतिवृष्टी व पुरामुळे शेती, घर व इतर मालमत्तेचे नुकसान झाल्याचेही निदर्शनास आले आहे.
या पार्श्वभूमीवर जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष विनय गौडा यांनी महसूल व वन विभागाच्या शासन निर्णयानुसार नुकसानीचे तात्काळ पंचनामे करण्याचे निर्देश तहसीलदार आणि संबंधित अधिकाऱ्यांना दिले आहेत.
जिल्हाधिकारी यांनी नागरिकांना सतर्क राहण्याचे तसेच प्रशासनाशी सहकार्य करण्याचे आवाहन सुद्धा केले आहे.
0 Comments